دل مشتاق کی خواہش

'

نتیجۂ فکر : *محمد شہاب الدین علیمی 'شہاب'*

*دلِ مشتاق کی خواہش ہوئی ، ہو خامہ فرسائی*

*قلم کی نوک نے بھی ساتھ میرے کی طرفداری*

*سو میں نے فکر کو سرکار اقدس کی طرف موڑا*

*انہیں کی بات سے ہوگی فروتر پہ ضیاباری*

*تبسم ریزیِ جانِ جہاں سے ہے بہارِ گُل*

*میرے آقا کے صدقے ہے چمن کی جاں میں بیداری*

*شفیعِ روزِ محشر جب وہاں سجدہ کناں ہوں گے*

*تو کچھ نقصان نہ دےگی کمینے کی سیہ کاری*

*نرالی شان سے عالم کو بخشا نور آقا نے*

*ہویے ظلمت کے دن کالے ، ہواؤں میں سبکساری*

*جو رشک مہر کے جلوے مرے دل میں سما جائیں*

 *تو فورا دور ہو جائےگی میرے دل کی اندھیاری*

*کبھی وہ جلوہ فرمائیں ، دلِ مضطر سکوں پائے*

*شہابِ خستہ دل کی ختم ہو جایے عَزاداری*

٢٣ شعبان المعظم ١٤٤٤ھ

١٦ مارچ ٢٠٢٣ء